కొందరికి గ్రీన్ సిగ్నల్.....మరి కొందరికి వేధింపులు :
జిహెచ్ఎంసి సర్కిల్- 39 పరిధిలో సరి అయిన అనుమతులు లేకుండా అదనపు అంతస్తులు, సెట్బ్యాక్లు లేని కమర్షియల్ భవనాలు, సెల్లార్ల నిర్మాణాలు యథేచ్ఛగా సాగుతున్నాయి. ప్రజలు చిన్నపాటి మరమ్మతులు చేపట్టుకోవాలంటే సవాలక్ష నిబంధనలు, నోటీసుల పేరుతో హడావిడి చేపడుతూ కార్యాలయం చుట్టూ తిప్పుకునే సర్కిల్-39 టౌన్ ప్లానింగ్ అధికారులు, బడా బిల్డర్లు మరియు ఇతర అక్రమ నిర్మాణదారుల విషయంలో మాత్రం ఉదాసీనంగా వ్యవహరిస్తున్నారంటూ విమర్శలు వెల్లువెత్తుతున్నాయి. ముడుపులు ముడితే చాలు.. నిబంధనల ఉల్లంఘనలను సైతం చూసీచూడనట్లు వదిలేస్తున్నారనే ఆరోపణలు వినిపిస్తున్నాయి. అక్రమ నిర్మాణాలపై అందుతున్న ఫిర్యాదులపై కనీస స్పందన ఉండటం లేదంటున్నారు. నోటీసులు జారీ చేసినట్లు కాగితాలపై చూపిస్తూ, క్షేత్రస్థాయిలో చర్యల ఊసే ఎత్తడం లేదని విమర్శలు వస్తున్నాయి. కింది స్థాయి సిబ్బంది వసూలు చేసే మామూళ్లలో పైస్థాయి అధికారుల వరకు వాటాలు అందుతుండటంతోనే, ఎవరూ నోరు మెదపడం లేదనే ప్రచారం జోరుగా సాగుతోంది
కామెంట్లు